Grupi i mirënjohur kosovarë, TNT ka zgjedhur që të rikthehet në skenën e muzikës rok të Kosovës, por pa vokalistin e tij të mëparshëm, Ferki Shala. Tani “Biondina” me sy të zi do të këndohet nga vokalisti i ri, Gentian Gojani, ndërkaq grupi të enjten do të bëj edhe promovimin e video-spotit të tyre të parë që do të quhet “Ia fala zemrën”. “TNT do të rikthehet me të njëjtin zhanër më të njëjtin repertor dhe me të njëjtin stil”, ka thënë vokalisti i ri i grupit për Express Online, Gentian Gojani. Në rikthimin e grupit TNT të gjithë anëtarët janë të njëjtë, pra prapë në të janë kitaristi Nexhat Macula, pastaj bas dhe sint Valton Besimi si dhe në daulle Murat Shabani. Rikthimi i TNT-së është bërë pas disa viteve pauze të tyre, sidomos pas luftës se vitit 1999. |
Www.Qershia.Tk